Heilsu Pavarottis hrakar

Heilsu ítalska óperusöngvarans Lucianos Pavarottis hefur hrakað síðustu daga en hann gekkst undir aðgerð vegna krabbameins í brisi í júlí á síðasta ári og var fluttur á sjúkrahús að nýju í ágúst. Ítalska fréttastofan AGI sagði að söngvarinn lægi á milli heims og helju á heimili sínu og þar sem læknar frá Modena sjúkrahúsinu í Róm annast hann.

Pavarotti gekkst undir tveggja vikna geislameðferð á sjúkrahúsinu í ágúst en hann fékk að fara heim 25. ágúst.

Pavarotti er 71 árs. Hann gekkst undir aðgerð í New York á síðasta ári en hann hafði þá verið að undirbúa tónleikaferð, sem átti að vera hans síðasta. Hann hefur ekki komið fram opinberlega síðan.

• 1 blogg um fréttina

Bloggað um fréttina

• Kristín Björg Þorsteinsdóttir: Ræfils tuskan....