Pitt vill gera fjölskyldu sína að lifandi fyrirmynd

Kvikmyndaleikarinn Brad Pitt segist vonast til að fjölskylda hans og kvikmyndaleikkonunnar Angelinu Jolie geti orðið mannfólkinu fyrirmynd í víðara samhengi.

" Ég horfi á þau og hugsa; Dóttir mín er frá Eþíópíu, ég á tvo syni frá Asíu og dóttur sem er fædd í Namibíu og þau eru systkini,” segir hann í viðtali við tímaritið Details.

Pitt, sem á fjögur börn með Jolie, segist hafa verið fljótur að aðlagast breyttum aðstæðum. "Fyrst átti ég eitt barn, svo tvö börn og svo þrjú börn á einu og hálfu ári eða svo. Ég er mikið fyrir öfgar þannig að mér finnst þetta ekkert skrýtið. Það tekur nokkrar vikur að finna jafnvægið og síðan er það höggvið í stein," segir hann.

• 3 blogg um fréttina

Bloggað um fréttina

• Blómið: Ja hérna
• Sóldís Fjóla Karlsdóttir: Að bjarga barni....
• Gísli Foster Hjartarson: Er þetta lið eitthvað betri en við hin?