Spears sögð hafa grátið baksviðs

Söng­kon­an Brit­ney Spe­ars er sögð hafa grátið baksviðs eft­ir mis­lukkað atriði sitt á MTV verðlauna­hátíðinni á sunnu­dag­kvöld. „Brit­ney grét baksviðs. Hún var niður­brot­in. Hún var mjög strekkt á taug­um fyr­ir atriðið og vissi um leið og því var lokið að hún hefði klúðrað því, seg­ir ónefnd­ur heim­ild­armaður.”

Þá hef­ur verið greint frá því að hár­greiðslu­meist­ari henn­ar hafi gengið út eft­ir að þeim lenti sam­an við und­ir­bún­ing atriðis­ins. Er söng­kon­an sögð hafa kraf­ist þess að vera ljós­hærð en hár­greiðslu­meist­ar­inn mun hafa lagst gegn því og viljað að hún væri brún­hærð. Þá er hár­greiðslu­meist­ar­inn sagður hafa klippt all­ar hár­leng­ing­arn­ar sem hún var með eft­ir að Brit­ney öskraði á hana: “Þetta eru mín­ir pen­ing­ar og ég geri það sem ég vil við þá.”

Sam­starfs­fólk söng­kon­unn­ar hef­ur látið í veðri vaka að rekja megi óstyrka fram­komu henn­ar á sviðinu til þess að hæll­inn á öðrum skó henn­ar hafi brotnað er atriðið var að hefjast. Aðrir segja hana hafa geislað á æf­ing­um en frosið er hún kom fram á sviðið.

Enn aðrir segja að svo virðist sem atriðið hafi ein­fald­lega ekki skipt hana nokkru máli. „Hún var úti að skemmta sér all­ar næt­ur og mætti þreytt á æf­ing­ar. Það var aug­ljóst að hún nennti ekki að leggja sig fram og að hún vildi ekki vera þarna.”

• 7 blogg um frétt­ina

Bloggað um frétt­ina

• Hauk­ur Nikulás­son: Smá­stelpa sem ekki er vax­inn upp úr því að grenja
• Daní­el Pét­ur Daní­els­son: Er til­gang­ur lífs­ins að vor­kenna aum­ingja Brit­ney Spe­ars?
• Sig­ur­jón Sig­urðsson: Staðreynd­ir
• Pét­ur Björn Jóns­son: Búhú
• Stein­grím­ur Rún­ar Guðmunds­son: Brit­ney Spe­ars á Langa Manga?
• Gúrú­inn: Brit­ney grét baksviðs (sen­ryu)
• Snorri Bergz: Heim­ur­inn græt­ur