West segir forsvarsmenn MTV hafa misnotað Britney

Rapparinn Kanye West hefur gagnrýnt forsvarsmenn MTV verðlaunahátíðarinnar fyrir að misnota söngkonuna Britney Spears. Segir hann þá hafa fengið hana til að koma fram á hátíðinni til að auka áhorf þrátt fyrir að þeir hafi vitað að hún væri ekki tilbúin í það.

„Maður minn, þeir voru bara að bæta áhorfið. Þeir vissu að hún væri ekki tilbúin og misnotuðu hana,” sagði West í viðtali á útvarpsstöðinni Sirius Satellite Radio í gær. „Þeir misnotuðu hana, léku á mig og ég ætla ekki að hafa meira saman við MTV að sælda,” segir hann.

West sagðist einnig ósáttur við aðhafa hvorki fengið að flytja opnunar né lokaatriði hátíðarinnar. Þess í stað var hann fenginn til að koma fram í hliðarsal hátíðarinnar. Söngvarinn Justin Timberlake, sem einnig kom fram í í hliðarsal tók hins vegar einnig þátt í lokaatriði hátíðarinnar með þeim Timbaland og Nelly Furtado og segir West það hafa verið eins og að fá blauta tusku í andlitið. „Það eru þessir hlutir sem skipta máli, þið skiljið hvað ég meina. Ég gerði lag mitt `Stronger,' þannig að það hentaði stórum áhorfendasölum.”

• 1 blogg um fréttina

Bloggað um fréttina

• Gísli Foster Hjartarson: vasaklútur óskast