Hótar að hálshöggva Britney og Madonnu

Madonna og Brit­ney Spe­ars verða gerðar höfðinu styttri ef þær halda áfram að út­breiða „menn­ingu Satans,“seg­ir leiðtogi íslamskra hryðju­verka­manna, Muhammad Abdel-Al. Þær stöll­ur verði tekn­ar af lífi ef þær hætti ekki að haga sér eins og vænd­is­kon­ur í því skyni að selja plöt­ur.

Abdel-Al er leiðtogi palestínsks hryðju­verka­hóps. Hann seg­ir í nýrri bók: „Ef ég mæti þess­um hór­um á förn­um vegi mun mér hlotn­ast sá heiður - ég end­ur­tek, hlotn­ast sá heiður - að verða fyrst­ur manna til að gera Madonnu og Brit­ney Spe­ars höfðinu styttri, haldi þær áfram að út­breiða sína satan­ísku menn­ingu til höfuðs íslam.“

Sam­tök­in sem Abdel-Al leiðir hafa bækistöðvar á Gaza-svæðinu, og hafa gert fjölda eld­flauga­árása á Ísra­el.

Abdel-Al seg­ist myndu vera reiðubú­inn að þyrma lífi Madonnu og Brit­n­eyj­ar ef þær væru reiðubún­ar að snú­ast til íslams, en neiti þær því verði þær tekn­ar af lífi.

„Ef þær halda upp­tekn­um hætti ... get­um við grýtt þær eða drepið þær eins og okk­ur sýn­ist henta best, haldi þær áfram að freista manna til að fæla þá frá íslam. Vænd­is­konu ber að grýta eða hýða átta sinn­um með belti ... Þær eru vit­andi vits að út­breiða þessa menn­ingu sem lið í stríði Banda­ríkja­manna gegn Íslam.“

Í bók­inni, sem rit­höf­und­ur­inn Aaron Klein skrifaði, viðra nokkr­ir íslamsk­ir öfga­sinn­ar skoðanir sín­ar á því hvernig um­horfs yrði í Banda­ríkj­un­um ef þar yrðu tek­in upp sharia-lög, sem eru byggð á strangri túlk­un á Kór­an­in­um, helgi­riti mús­líma.

• 5 blogg um frétt­ina

Bloggað um frétt­ina

• Ní­els A. Ársæls­son.: Nú er bara að hafa upp á dýr­inu og kála …
• Benja­mín Plag­gen­borg: Hund­ur­inn graf­inn í kúnni
• Gísli Foster Hjart­ar­son: Trú­in bjarg­ar öllu
• Ásthild­ur Cesil Þórðardótt­ir: Öfga­hóp­ar og hryðju­verka­menn, hvað er hægt að gera ?
• Helga Guðrún Ei­ríks­dótt­ir: NAGL­INN HITT­UR Á HÖFUÐIÐ