Kylie aftur á kreik

Söngkonan lágvaxna Kylie Minogue hefur tilkynnt að hún hyggist gefa út smáskífu þann 5. nóvember nk. sem fengið hefur heitið 2 Hearts. Smáskífan er forsmekkurinn að nýrri breiðskífu söngkonunnar, sem kemur út síðar í sama mánuði. Þetta kemur fram á vef tónlistartímaritsins NME.

Lagið er eftir raftónlistarkvartettinn Kish Mauve, sem sá einnig um að hljóðrita og útsetja lagið.

Síðasta plata söngkonunnar, Body Language, kom út fyrir fjórum árum, á þeirri plötu var m.a. lagið Slow, sem söngkonan Emilíana Torrini samdi ásamt tónlistarmanninum Mr. Dan, og naut mikilla vinsælda.

Kylie barðist svo við brjóstakrabbamein og heyrðist lítið frá henni þar til á síðasta ári þegar hún for að koma aftur fram og kom tónleikaplatan Showgirl Homecoming Live út í kjölfarið.

• 1 blogg um fréttina

Bloggað um fréttina

• Gísli Foster Hjartarson: Kylie væntanleg til landsins