O.J. Simpson grunaður um aðild að meintu innbroti

O.J. Simpson var yfirheyrður af lögreglu í dag og er grunaður um aðild að meintu innbroti á hótelherbergi í Las Vegas í gærkvöldi. Simpson segist hafa farið inn á herbergið til að sækja hluti sem stolið hefði verið frá sér. Hann neitar að hafa brotist inn í herbergið.

Simpson sagði við AP að uppboðshaldari hafi hringt í sig fyrir skömmu og sagt að safnarar hefðu undir höndum „fullt af dóti sem þú átt, og vilja ekki að neinn viti að þeir eru að selja það.“

Kveðst Simpson hafa verið í Las Vegas í gær til að fara í brúðkaup, og hitt uppboðshaldarann og ákveðið að gera „skyndiárás“ til að endurheimta eigur sínar. Um hafi verið að ræða minjagripi tengda íþróttaferli sínum.

• 1 blogg um fréttina

Bloggað um fréttina

• Úlfar Þór Birgisson Aspar: Ég á líka dót hingað og þangað