O.J. Simpson yfirheyrður vegna vopnaðs ráns

Lögregla er sögð hafa yfirheyrt ruðningshetjuna fyrrverandi og kvikmyndaleikarann O.J. Simpson vegna vopnaðs ráns í spilavíti í Las Vegas í gærkvöldi. Að sögn Sky fréttastofunnar hefur Simpson ekki verið handtekinn en fjórir aðrir hafa einnig verið yfirheyrðir vegna málsins.

Simpson var árið 1995 sýknaður af ákæru fyrir að hafa myrt Nicole Brown Simpson, fyrrum eiginkonu sína, og Ronald Goldman, vin hennar. Í einkamáli, sem fjölskyldur Nicole og Ronalds höfðuðu, var Simpson hins vegar talinn ábyrgur fyrir dauða þeirra og dæmdur til að greiða 16 milljónir dala í bætur. Hann hefur hins vegar aldrei greitt neitt.

Umdeild bók, sem Simpson skrifaði og heitir Ef ég gerði það, kemur ´tu á morgun.

O.J. Simpson. AP

• 2 blogg um fréttina

Bloggað um fréttina

• Gísli Foster Hjartarson: Auglýsingabrella
• Ómar Ingi: Wanted Dead Or Alive