"Það kemur enginn í hans stað"

Garðar Thór Cortes heldur tónleika í Barbican Center í London næstkomandi miðvikudag. Garðar verður fyrstur Íslendinga til að halda einsöngstónleika í þessum tónleikasal sem er talinn vera einn sá besti í heimi.

Garðar var nýlega nefndur sem einn af þeim sem gætu hugsanlega fetað í fótspor óperusöngvarans Lucianos Pavarottis sem lést nýlega. "Það er ótrúlegt að vera nefndur í sömu setningu og Pavarotti en samanburðurinn er í rauninni mjög rangur, það stígur enginn í hans spor og það kemur enginn í hans stað," segir Garðar í Morgunblaðinu í dag.