Skeggið veldur vandræðum

Leik­ar­inn Benicio Del Toro verður sí­fellt fyr­ir því að vera ásakaður um að vera hryðju­verkamaður eft­ir að hann lét sér vaxa skegg fyr­ir hlut­verk sitt sem Che Gu­evara.

Del Toro, sem leik­ur marxíska upp­reisn­ar­mann­inn í mynd­inni The Arg­ent­ine, seg­ir að eft­ir að hann safnaði skeggi lendi hann alltaf í því að vera stoppaður af ör­ygg­is­gæsl­unni á flug­völl­um.

"Skeggið ger­ir flug­velli erfiðari fyr­ir mig. Það er önn­ur röð fyr­ir hættu­lega út­lít­andi menn en hina," sagði kapp­inn á dög­un­um.

Hann seg­ir skeggið einnig eyðileggja mögu­leika sína meðal kven­fólks. "Stelp­urn­ar eru hætt­ar að horfa á mig. En það er fynd­inn svip­ur­inn sem ég fæ frá heim­il­is­laus­um, skyndi­lega er ég orðinn einn af þeim."

The Arg­ent­ine er leik­stýrt af Steve Soder­bergh, tök­ur fara fram á Spáni í níu vik­ur og mynd­in verður á spænsku. Del Toro og Soder­bergh hafa unnið sam­an einu sinni áður og þá að gerð mynd­ar­inn­ar Traffic.