Dýrkeyptur brandari barþjónsins

Rúmlega tvítugur barþjónn kom fyrir rétt í Ástralíu í dag, ákærður fyrir að hafa veitt viðskiptavini glas af gólfþvottalegi. Verjandi barþjónsins segir þetta hafa verið misheppnaðan „brandara.“ Viðskiptavinurinn varð fárveikur af að drekka gólfþvottalöginn og fékk opin sár á húðina. Barþjónninn var rekinn.

Lögreglan greindi réttinum frá því að umræddur barþjónn, Emily Craig, væri þekktur fyrir prakkarastrik sín, en Craig færði viðskiptavininum gólfþvottalöginn í drykkjusamkvæmi í næturklúbbnum þar sem hún vann klukkan sex að morgni. „Þetta var misheppnaður brandari á óguðlegum tíma sólarhrings,“ sagði verjandi Craigs.

Dómur hefur ekki verið kveðinn upp yfir Craig, en rétti var frestað fram í febrúar.

• 3 blogg um fréttina

Bloggað um fréttina

• Svava frá Strandbergi : Hvusslags uppátæki, var þetta, Eiginlega ?
• Muddur: Oft er góðu djóki illa tekið
• Mummi Guð: Húmorslausir Ástralar.