Bók um Einar Bárðarson

Öll trix­in í bók­inni er heitið á nýrri bók um Ein­ar Bárðar­son sem sam­kvæmt ör­ugg­um heim­ild­um Morg­un­blaðsins er vænt­an­leg í versl­an­ir fyr­ir jól, en það er JPV sem gef­ur út. Í bók­inni fer Ein­ar "umboðsmaður Íslands" yfir viðburðarík­an fer­il, set­ur ár­ang­ur sinn und­ir mæliker og ljóstr­ar upp ýms­um „trix­um" og leynd­ar­mál­um í hinum viðsjár­verða tón­list­ar­bransa, en það er Arn­ar Eggert Thorodd­sen, blaðamaður, sem skrá­set­ur.

Ítar­leg­ar upp­lýs­ing­ar um efnis­tök liggja ekki fyr­ir á þess­ari stundu en víst er að Ein­ar hef­ur úr nógu að moða og telja má til Evr­óvi­sjón­málið mikla í kring­um lag hans „Birtu", út­rás Nylon-hóps­ins og Garðars Thors Cortes, auk þess sem Ein­ar hef­ur verið atorku­sam­ur í inn­flutn­ingi á er­lend­um tón­list­ar­mönn­um til lands­ins í gegn­um tíðina.