Björgvin Halldórsson með tónleika í Köben

Björgvin Halldórsson mun koma fram á tónleikum í Kaupmannahöfn 24. apríl á næsta ári á vegum fyrirtækisins Hótelbókanir í Kaupmannahöfn. Björgvin mætir ásamt stórhljómsveit og strengjasveit Sinfóníuhljómsveitar Konunglegu óperunnar í Kaupmannahöfn, sem og mörgum af fremstu dægurlagasöngvurum og hljóðfæraleikurum úr íslensku tónlistarlífi.

Tónleikarnir verða á sumardaginn fyrsta í Cirkus í Kaupmannahöfn. Tónleikarnir eru haldnir í samstarfi við Icelandair og fara fram undir borðhaldi. Síðar um kvöldið hefst dansleikur sem stendur fram á nótt þar sem tónlistarfólkið kemur fram ásamt Björgvin og hljómsveit hans. Kynnir verður Þorvaldur Flemming.

Sala aðgöngumiða hefst á næstunni á vefsíðu Icelandair www.icelandair.is.

• 2 blogg um fréttina

Bloggað um fréttina

• Eyþór Eðvarðsson í Vilnius: BÓ er bestur!
• Einar Bragi Bragason.: Bo er bestur