Pamela Anderson trúlofuð fyrrum kærasta Paris Hilton

Leikkonan Pamela Anderson hyggst ganga í hjónaband með Rick nokkrum Salomon sem er fyrrum kærasti Paris Hilton. Parið hefur fengið leyfi til að láta gefa sig saman í Las Vegas hvenær sem er á næsta árinu. Salomon sem er 38 ára er líklegast þekktastur fyrir að hafa gert opinskátt myndband af ástarleikjum með Hilton.

Pamela Anderson sem er fertug skildi við tónlistarmanninn Kid Rock fyrr á þessu ári eftir fjögurra mánaða hjónaband og þar áður var hún gift trommuleikara sveitarinnar Mötley Crue, Tommy Lee en þau skildu 1998.

Kid Rock var handtekinn eftir MTV tónlistarverðlaunaafhendinguna í Las Vegas í síðasta mánuði, sakaður um að hafa ráðist á Tommy Lee barnsföður Pamelu Anderson.

Samkvæmt fréttavef BBC eiga Anderson og Salomon það meðal annars sameiginlegt að hafa bæði verið þátttakendur í opinskáum myndböndum sem birst hafa á netinu.

• 3 blogg um fréttina

Bloggað um fréttina

• Gísli Foster Hjartarson: Sko mína
• Einar Bragi Bragason.: Tommy Lee í París
• Snorri Bergz: Fjölþreifni fína fólksins í Follywood