Britney sækir um ökuskírteini

Haft er eftir heimildamönnum að Britney Spears hafi sótt um ökuskírteini í Kaliforníu, en ein af ástæðum þess að hún missti forræðið yfir sonum sínum er sögð vera að hún sást aka með þá í bílnum sínum, þrátt fyrir að fulltrúi sýslumanns í Los Angeles hefði tekið sérstaklega fram að það mætti hún ekki gera.

Britney er með ökuskírteini gefið út í Louisiana-ríki, en það er ekki gilt í Kaliforníu. Ekki er langt síðan hún var ákærð fyrir að aka án gilds skírteinis og fyrir að hafa hlaupist á brott eftir að hafa ekið á kyrrstæða bifreið. Verði hún dæmd sek fyrir þessi brot á hún yfir höfði sér allt að hálfs árs fangelsi.

• 1 blogg um fréttina

Bloggað um fréttina

• Ómar Ingi: Beint í DMV já bifreiðaskoðunina í USA