Ný plata frá Radiohead eftir tíu daga

Hljómsveitin Radiohead hefur loks veitt upplýsingar á vefsíðu sinni um útgáfu næstu plötu sveitarinnar, sem margir hafa beðið af eftirvæntingu. Aðeins tíu dagar eru þar til platan verður gefin út á geisladiskum og til niðurhals. Það sem vekur e.t.v. mesta athygli er að ekkert verð verður gefið upp fyrir plötuna á netinu, en kaupendum ákveða þess í stað sjálfir hve mikið þeir greiða.

Hljómsveitin Charlatans tilkynnti í gær að plata þeirrar sveitar, sem út kemur á næsta ári, verði gefin á netinu, þar sem mun meiri hagnað sé að finna í tónleikahaldi og sölu á varningi en plötusölu. Þetta hlýtur því að vekja upp spurningar um það hvort plötuútgáfa almennt muni breytast á næstunni.

Plata Radiohead hefur fengið nafnið In Rainbow. Plastútgáfan af plötunni verður svokallaður diskakassi, á honum verður sjálf platan, annar geisladiskur með fleiri nýjum lögum sem ekki eru formlega á plötunni auk ljósmynda og margmiðlunarefnis. Þá fylgja einnig tvær 12” vínylplötur, svo kaupendur ættu að fá nokkuð fyrir sinn snúð, þrátt fyrir að verðið sé hátt, eða 40 bresk pund.

• 2 blogg um fréttina

Bloggað um fréttina

• Gísli Foster Hjartarson: Tilhlökkunarefni
• Ingi Björn Sigurðsson: Tónlistariðnaðurinn er að breytast