Howard K. Stern höfðar skaðabótamál gegn rithöfundi

Fyrrum lögmaður Önnu Nicole Smith, Howard K. Stern, hefur höfðað skaðabótamál gegn rithöfundinum Ritu Cosby, en hún heldur því fram að Stern og Larry Birkhead séu elskendur í nýrri bók um Smith. Fer Stern fram á 60 milljónir dala, 3,7 milljarða króna, í skaðabætur.

Í bók Cosby, „Blonde Ambition: The Untold Story Behind Anna Nicole Smith's Death", er því haldið fram að Stern og Birkhead, sem er faðir Dannielynn dóttur Smith, séu elskendur og að þeir hafi lagt á ráðin um að hirða eigur Smith. Auk þess er því haldið fram í bókinni að Stern hafi notað kókaín og að hann hafi lagt á ráðin um að myrða Smith en hún lést af völdum of stórs lyfjaskammts fyrr á árinu.

• 1 blogg um fréttina

Bloggað um fréttina

• Smári Jökull Jónsson: Guiding light