Nýtt lag Britney nýtur vinsælda

Nýtt lag, sem Britney Spears hefur sungið inn á plötu, nýtur talsverðra vinsælda í Bandaríkjunum. Þannig fór lagið, sem heitir Gimme More, úr 68. sæti í það þriðja á vinsældalistanum sem Billboard gefur út.

Þá fór lagið í 1. sæti á niðurhalslista tímaritsins Hot Digital Songs með 179 þúsund niðurhöl.

Gimme More verður á væntanlegri plötu Spears, sem á að koma út 13. nóvember. Spears flutti lagið á verðlaunahátíð sjónvarpsstöðvarinnar MTV nýlega og þótti takast með afbrigðum illa upp.

Þá hefur Britney misst forræði, að minnsta kosti tímabundið, yfir tveimur sonum sínum til Kevins Federline, fyrrum eiginmanns síns.

• 1 blogg um fréttina

Bloggað um fréttina

• Ómar Ingi: Sjá hér