Lindsay Lohan komin úr meðferð

Leikkonan Lindsay Lohan hefur verið útskrifuð af meðferðarstofnun þar sem hún hefur verið undanfarna tvo mánuði, að því er fram kemur í bandarískum fjölmiðlum.

Bandaríska tímaritið People greinir frá því að hin 21s árs gamla Lohan hafi yfirgefið meðferðarstofnun í Utah þar sem hún hefur dvalið frá því í ágúst.

„Ég er afar stolt af henni,“ er haft eftir móður Lohan. „Þetta var byrjað að fara úr böndunum. Hún tók til sinna ráða,“ sagði hún.

Lohan viðurkenndi í ágúst að líf hennar væri orðið „óviðráðanlegt“ sökum þess að hún væri orðin háð áfengi og vímuefnum.

Hún skráði sig í meðferð nokkrum vikum eftir að hún hafði verið handtekin fyrir að aka undir áhrifum áfengis í júlí sl.

• 1 blogg um fréttina

Bloggað um fréttina

• Ómar Ingi: Eitthvað minnir mig að ég hafi sagt frá þessu