„Ebony & Ivory“ valinn versti dúett sögunnar

Lagið „Ebony and Ivory“, eftir þá Paul McCartney og Stevie Wonder, sem fjallar um það hvernig ólíkir kynþættir geta lifað saman í sátt og samlyndi, hefur verið valið versti dúett í sögunni af hlustendum BBC 6 Music.

Lagið, sem náði efsta sæti breska vinsældarlistans árið 1982, var efst í kjörinu en þar er einnig að finna dúett þeirra McCartneys og Michaels Jacksons „The Girl Is Mine“. Það endaði í sjötta sæti.

Það kom mörgum á óvart að dúett söngkonunnar Sinead O'Connor og The Chieftains hafi verið valinn sá besti, en þau sungu saman lagið „Foggy Dew“.

Dúett þeirra David Bowie og Mick Jagger, þar sem þeir syngja gamla slagarann „Dancing In The Street“, komst inn á báða listana, þ.e. yfir bestu og verstu dúettina.

Fimm bestu dúettarnir:

1. Foggy Dew - Sinead O'Connor & The Chieftains
2. Fairytale Of New York - Kirsty MacColl & The Pogues
3. Under Pressure - Queen & David Bowie
4. Where The Wild Roses Grow - Nick Cave & Kylie Minogue
5. Walk This Way - Run DMC & Aerosmith

Fimm verstu dúettarnir:

1. Ebony & Ivory - Paul McCartney & Stevie Wonder
2. You're The One That I Want - Arthur Mullard & Hilda Baker
3. Dancing In the Streets - Mick Jagger & David Bowie
4. Little Drummer Boy - Bing Crosby & David Bowie
5. Save Your Love - Rene & Renata