Lessing segist hafa fengið „verðlaunalitaröð"

Breski rit­höf­und­ur­inn Dor­is Less­ing, sem hlýt­ur bók­mennta­verðlaun Nó­bels í ár, sagðist í dag fagna þess­um heiðri og bætti við að hún hefði nú fengið „kon­ung­lega litaröð" verðlauna af þessu tagi.

„Þetta hef­ur gengið svona í þrjá­tíu ár. Nú er ég búin að vinna öll verðlaun í Evr­ópu, öll andsk. verðlaun­in, og ég er því afar ánægð yfir því að hafa náð þeim öll­um. Þetta er kon­ung­leg litaröð," sagði hún við blaðamenn utan við heim­ili sitt í Lund­ún­um.

Less­ing er 87 ára og elsta skáldið, sem hlotið hef­ur bók­mennta­verðlaun Nó­bels. Hún var úti að versla þegar til­kynnt var um verðlaun­in í morg­un og fram­kvæmda­stjóri sænsku aka­demí­unn­ar náði ekki síma­sam­bandi við skáld­kon­una til að skýra henni frá verðlaun­un­um. Hún kom með leigu­bíl að húsi sínu í Cricklewood í Lund­ún­um þar sem frétta­menn biðu og henni var greini­lega nokkuð brugðið.

Síða Dor­is Less­ing á MySpace

• 2 blogg um frétt­ina

Bloggað um frétt­ina

• Hlyn­ur Halls­son: Til ham­ingju Dor­is Less­ing
• Edda Agn­ars­dótt­ir: Dor­is Less­ing