Geiri á sjö stjörnu hóteli í Dubai

Ásgeir Davíðsson, eða Geiri á Goldfinger, er himinlifandi með ferð sína til Dubai á dögunum. Hann gisti á hæsta hóteli í heimi, sjö stjörnu Arabaturninum.

„Þetta er flottasta hótel í heimi og þú kemst aðeins að því með limmósínu eða þyrlu, sem við og gerðum," segir Ásgeir sem var alveg heillaður af staðnum. Hann segir að í Dubai sé dýrt að lifa, að minnsta kosti hjá þeim hjónunum.

„Ég held ég hafi verið að borga 500 kall fyrir kókglasið og ennþá meira fyrir vatnið! Þá kostaði nóttin þarna ríflega 100.000 kall og við vorum bara í venjulegu herbergjunum. Ég veit hins vegar af Íslendingum sem voru í svítunum þarna og þau voru að borga 2 milljónir á mann fyrir vikuna! Enda þorði ég ekki að líta á reikninginn þegar við tékkuðum okkur út, ég straujaði bara kortið með lokuð augun!"

• 2 blogg um fréttina

Bloggað um fréttina

• Valbjörn Júlíus Þorláksson: slúðursíða mbl.is??
• Jenný Anna Baldursdóttir: Svo fegin og glöð..