Uppselt á Iceland Airwaves

Miðar á tónlistarhátíðina Iceland Airwaves seldust upp um hádegisbil í dag. Er þetta fjórða árið í röð sem selst upp á hátíðina, sem hefst á miðvikudag og stendur í fimm daga. Yfir 200 hljómsveitir og listamenn koma þar fram.

Hátíðin fer fram á níu aðal-tónleikastöðum í miðborg Reykjavíkur, sem eru: Listasafn Reykjavíkur - Hafnarhús, Gaukurinn, NASA, Lídó, Iðnó, Organ, Grand rokk, Barinn og Fríkirkjan í Reykjavík.

Auk þess verður dagskrá í Norræna húsinu en þar verður m.a. ljósmyndasýningin Iceland Airwaves: So Far / Til þessa opnuð í dag. Smærri viðburðir og tónleikar fara fram í plötuverslunum, kaffihúsum og annarstaðar í miðbænum ásamt hinu árlega Airwaves partýi í Bláa Lóninu.

Ekki verður selt inn á einstaka viðburði á hátíðinni ef frá eru taldir eftirtaldir tónleikar, og þá aðeins með húsrúm leyfir, forgangur á armbönd:

Tónleikadagskrá á Gauknum miðvikudagskvöldið 17. október
Tónleikadagskrá á NASA miðvikudagskvöldið 17. október
Tónleikadagskrá á Barnum alla helgina
Tónleikadagskrá á sunndeginum 21. október á Gauknum og Organ

Vefur Iceland Airwaves

• 3 blogg um fréttina

Bloggað um fréttina

• Fríða Rakel Kaaber: mu
• Gísli Foster Hjartarson: Og ég náttúrulega ekki komin með miða
• Tryggvienator: Vúhúú! Ég á miða!