Nýr Scotty í Star Trek

Breski grínleikaranum Simon Pegg hefur verið boðið hlutverk Scotty í næstu Star Trek kvikmyndinni. Scotty er yfirvélstjóri geimskipsins Enterprise en það var James Doohan sem lék hann í hinni sígildu sjónvarpsþáttaröð. Þetta verður 11. Star Trek kvikmyndin og aðrir leikarar í henni eru meðal annars Eric Bana, Zachary Quinto og Leonard Nimoy.

JJ Abrahams sem skóp sjónvarpsþáttaröðina Lost mun leikstýra en söguþráður myndarinnar mun snúast um fyrstu kynni Kirk kafteins og herra Spock í geimferðaskólanum.

Tökur munu að sögn hefjast í næsta mánuði.

Simon Pegg sem er 37 ára er þekktastur fyrir leik sinn í bresku grínþáttunum Spaced og kvikmyndunum Shaun of the Dead og Hot Fuzz. Hann lék einnig í myndunum Run Fat Boy Run og Mission Impossible III og hann leikur sömuleiðis í væntanlegri mynd sem heitir How to Lose Friends and Alienate People.

• 1 blogg um fréttina

Bloggað um fréttina

• Vinir Ketils bónda, áhugamannafélag: Mynd af cast-inu