Enright hlaut Booker verðlaunin

Írski rithöfundurinn Anne Enright hlaut hin eftirsóttu Booker verðlaun fyrir skáldsögu sína The Gathering sem er óbilgjörn lýsing á erfiðu fjölskyldulífi. Þetta er í annað sinn á þremur árum sem Írskur höfundur hlýtur Booker verðlaunin en John Banville hlaut þau fyrir The Sea 2005.

Enright var ekki talin vera sigurstrangleg áður en verðlaunin voru afhent í Guildhall í London en dómnefndin segir hana hafa ritað kraftmikla, óþægilega og á köflum reiða bók sem beitir öflugu málfari við lýsingu á fjölskyldu sem syrgir bróður sem framdi sjálfsmorð.

Enright hlaut rúmar sex milljónir íslenskra króna í verðlaunafé.

Veðbankar á Englandi höfðu ekki talið hana líklega til að hljóta verðlaunin og buðu upp á vinningshlutföllin 1 á móti 20.

• 1 blogg um fréttina

Bloggað um fréttina

• Sveinn Ólafsson: Í bókatíð