Amy Winehouse handtekin í Noregi

Söngkonan Amy Winehouse var handtekin í Noregi og þurfti hún að gista á bak við lás og slá í nótt fyrir að hafa haft kannabis í fórum sínum.

Winehouse var sleppt í morgun eftir að hún greiddi 500 evrur í sekt (rúmar 40.000 kr.) að sögn yfirvalda.

Hún ásamt eiginmanni sínum, Blake Fielder-Civil, auk þriðja aðila voru handtekin á hóteli í Björgvin eftir að sjö grömm af kannabis fundust á þeim.

Winehouse á að halda tónleika í borginni í kvöld og á morgun mun hún leika í Ósló. Í framhaldinu mun hún fara til Hollands þar sem Evróputónleikaferð hennar mun halda áfram.

Þetta kemur fram á fréttavef breska ríkisútvarpsins.

• 2 blogg um fréttina

Bloggað um fréttina

• Ómar Ingi: Gleymduð að segja frá .....
• Þorsteinn Gunnarsson: Myndi hún heita Áma Vínhús...