Britney ók yfir fótinn á ljósmyndara

Það á ekki af Britney Spears að ganga. Fyrr í vikunni var hún svipt umgengnisrétti við drengina sína tvo, og í gærkvöldi ók hún yfir fótinn á ljósmyndara er hún reyndi að smeygja bíl sínum fram hjá ljósmyndaraþvögunni sem fylgir henni hvert fótmál.

Britney var á leið út úr bílastæðahúsi í Beverly Hills á hvíta Benz-blæjubílnum sínum þegar einn ljósmyndaranna féll í götuna, að því er sjá mátti á myndbandi sem tekið var á staðnum, en svo virtist sem eitt dekkið á bílnum hennar hafi farið yfir fótinn á honum.

Haft var eftir ljósmyndurum að þeim hafi sýnst Britney tárast, en hún ók á brott og þeir hlupu á eftir.

Ekki var þetta eina ólánið hennar í gær, því að nýja lagið hennar, „Gimme More,“ féll um þrjú sæti, niður í það sjötta, á Billboard Hot 100-listanum í gær.

• 6 blogg um fréttina

Bloggað um fréttina

• Magnús Jónsson: Hættið að birta svona rusl
• Guðrún Emilía Guðnadóttir: Blaðamenn STOP.
• Jóhanna Magnúsar- og Völudóttir : Þarf ekki einhver að fara að bjarga blessaðri stúlkunni ?
• Kiddi Blö: Gott á hann
• TómasHa: Erfitt líf
• Stefán Friðrik Stefánsson: Pressan fær aldrei nóg af Britney Spears