FBI gerði húsleit hjá heimsþekktum sjónhverfingamanni

Útsendarar bandarísku alríkislögreglunnar, FBI, gerðu húsleit í geymsluhúsnæði í eigu bandaríska sjónhverfingamannsins Davids Copperfields. Lögðu lögreglumenn hald á nærri 2 milljónir dala í reiðufé, harða tölvudiska og minniskubb úr myndavél.

Að sögn sjónvarpsstöðvarinnar KLAS í Las Vegas, tengist húsleitin í borginni rannsókn sem hófst í Washingtonríki. Lögreglumenn leituðu einnig að gögnum í hóteli og spilavíti í Las Vegas þar sem Copperfield kemur oft fram.

Alríkislögreglan hefur ekki upplýst að hverju verið sé að leita.

Copperfield, sem er 51 árs að aldri, þénaði 57 milljónir dala á árinu 2005, að sögn tímaritsins Forbes.

• 4 blogg um fréttina

Bloggað um fréttina

• Bara Steini: Galdrakarlahverfidót.....
• Þorsteinn Gunnarsson: Ping pong og sí kei... og tussan blá á kettinum
• Jón Lárusson: Ferillinn ónýtur
• Riddarinn : hey! hey! engar áhyggju ,lesið bara áfram