Sannar vinkonur

Sienna Miller vill að Keira Knightley verði andlit fatalínu hennar. Miller telur að vinkona hennar, sem hún kynntist við tökur á myndinni The Edge of Love, geti orðið hinn fullkomni innblástur fyrir fataframleiðslufyrirtækið, Twenty8Twelve, sem hún rekur ásamt systur sinni, Savannah sem er fatahönnuður.

„Ég vildi gjarnan hafa Keiru sem andlit fyrir fatalínu okkar, ég elska á henni andlitið," sagði Miller nýlega og viðurkenndi um leið að það yrði líklega skref niður á við fyrir Knightley sem er nú andlit Chanel-tískuhússins.

„Hún er andlit Chanel svo hún mun líklega ekki verða andlit Twenty8Twelve líka en ég get kannski neytt hana til þess þar sem hún er vinkona mín," sagði Miller og hló.