Magni hvetur vini sína til að flytja til Hveragerðis

"Það er alltaf gaman að hafa vini sína nálægt sér," segir Magni Ásgeirsson, en hann og félagar hans í hljómsveitinni Á móti sól vinna nú að því að fá vini sína og félaga til að flytja til Hveragerðis. Þrír af fimm meðlimum hljómsveitarinnar búa þar í dag. Magni er myrkur í máli þegar blaðamaður spyr hvaða menn hafi sýnt bón hljómsveitarinnar áhuga. "Ég vil ekki setja mikla pressu á konurnar þeirra," segir hann og hlær. "En það eru stjórnendur morgunþátta í útvarpi, trommarar í hinum og þessum hljómsveitum og menn sem standa okkur nærri. Menn eiga það til að koma í sunnudagskaffi og vilja ekki fara strax aftur."

• 4 blogg um fréttina

Bloggað um fréttina

• Guðmundur Rafnkell Gíslason: Magnað!
• Markús frá Djúpalæk: Rokkarabærinn Hveragerði
• Kjartan Pétur Sigurðsson: Hver gerði Gerði grikk í sumar er frægt lag ... …
• Gísli Bergsveinn Ívarsson: Styttra í grasið?