Ný hryllingsmynd beint á toppinn vestanhafs

Fjórða myndin í hryllingsmyndaflokknum Saw fór beint í efsta sætið á norður-ameríska bíólistanum um helgina. Frá því fyrsta myndin var frumsýnd haustið 2004 og sló óvænt í gegn hefur kvikmyndafélagið Lionsgate sent frá sér Saw-myndir í október ár hvert og allar hafa fengið mikla aðsókn.

Í Saw IV kemur í ljós við krufningu á morðingjanum Jigsaw, sem er aðalpersóna þriggja fyrstu myndanna, að hann hefur falið segulbandsspólu innvortis. Á spólunni eru vísbendingar um ýmsar pyntingaþrautir sem Jigsaw, leikinn af Tobin Bell, hefur hugsað upp.

Ný rómantísk gamanmynd, Dan in Real Life, frá Disney kvikmyndafélaginu fór beint í 2. sætið. Í aðalhlutverkum eru Steve Carell, Juliette Binoche og Dane Cook.

Listinn yfir vinsælustu myndirnar er eftirfarandi:

1. Saw IV
2. Dan in Real Life
3. 30 Days of Night
4. The Game Plan
5. Tyler Perry's Why Did I Get Married?
6. Michael Clayton
7. Gone Baby Gone
8. The Comebacks
9. We Own the Night
10. Tim Burton's the Nightmare Before Christmas.

• 1 blogg um fréttina

Bloggað um fréttina

• Hvíti Riddarinn: Þetta er hryllilegt!