Liam Gallagher telur afturgöngu Lennons hafa heimsótt sig

Fréttavefur tónlistartímaritsins NME segir frá því að Liam Gallagher söngvari hljómsveitarinnar Oasis sé hjátrúarfullur og trúi þvi að reimt sé í húsinu hans. Heimildarmaður blaðsins segir að Gallagher liggi andvaka um nætur með ljósin kveikt og hlusti eftir undarlegum hljóðum og finnist líkt og einhver úr öðrum heimi horfi á hann.

Ótrúlegasta sagan er þó sú að Gallagher segist viss um að afturganga John Lennon hafi eitt sinn heimsótt hann. „Ég var í Manchester heima hjá kunningja mínum", er haft eftir Gallagher, „ég sneri mér við í rúminu og þá var einhver vera þarna, og það var hann, Lennon".

Þarna má vera komin skýringin á því að tónlist Oasis hefur oft þótt mjög lík tónlist Bítlanna.

• 3 blogg um fréttina

Bloggað um fréttina

• Vinir Ketils bónda, áhugamannafélag: Á þessu er aðeins ein skýring..
• Guðni Már Henningsson: Afturgöngur skelfa?
• Steinn E. Sigurðarson: Og Lennon sagði