Viktoría komin með sama háralit og þegar Kryddstúlkurnar urðu frægar

Viktoría Beckham er komin með sama dökka háralitinn og sömu greiðslu og hún var með þegar Kryddstúlkurnar urðu fyrst frægar með laginu „Wannabe“ árið 1996. Viktoría sat í átta tíma í stólnum á Hárgreiðslustofu Jessicu Gavin í Los Angeles á föstudaginn.

Viktoría ákvað að hætta að vera ljóshærð í tilefni af væntanlegri heimsreisu Kryddstúlknanna. Henni er mikið í mun að enginn fái að sjá nýju greiðsluna og hefur forðast ljósmyndara eins og heitan eldinn, og þegar hún kom út af hárgreiðslustofunni á föstudaginn var hún með húfu til að hylja greiðsluna.

Tónleikaferð Kryddstúlknanna hefst í Vancouver 2. desember.

• 3 blogg um fréttina

Bloggað um fréttina

• Valsarinn: Posh Spice... Sú sem ég...
• Haukur Baukur: Heiladauði
• Hvíti Riddarinn: En ein ljóskan fallin...