Brosnan í slag við ljósmyndara

Lögregla í Los Angelessýslu staðfesti í kvöld, að verið væri að rannsaka ásakanir um að Pierce Brosnan, sem lék m.a. James Bond í nokkrum myndum, hefði lent í slagsmálum við ljósmyndara í Malibu sl. föstudag.

Fréttavefurinn TMZ.com segir að Brosnan, sem er 54 ára, hafi verið með einu barna sinna þegar Robert Rosen, ljósmyndari, vatt sér að honum og fór að spyrja spurninga. Brosnan bölvaði ljósmyndaranum og og sló hann síðan í síðuna og ljósmyndarinn brást við í sama máta og sló Brosnan í kviðinn.

Lögreglan segir, að niðurstöðu rannsóknarinnar verði vísað til saksóknaraembættis Los Angeles þegar þar að kemur.

• 1 blogg um fréttina

Bloggað um fréttina

• Gísli Foster Hjartarson: Friðhelgi einkalífsins rofin?