Heather Mills nærri sjálfsvígi eftir skilnaðinn

Heather Mills McCartney sagði í morgun að henni hefði verið „ýtt fram á ystu nöf” af lygum sumra dagblaða og að henni hefðu borist morðhótanir. Hún sagðist eiga kassa fullan af sönnunargögnum ef hún skyldi verða myrt.

Mills McCartney er enn að semja um lokatölu þeirrar fjárhæðar sem hún hlýtur í kjölfar skilnaðarins við Paul McCartney, hún hefur hvatt fólk til að hætta að kaupa blöð sem gera út á götublaðamennsku og skrifa æsifregnir af skilnaðinum.

„Mér hafa borist morðhótanir og ég hef verið nærri því að fremja sjálfsmorð, þetta hefur komið mér í mikið uppnám,” sagði Mills McCartney í viðtali við GMTV sjónvarpsstöðina.

„Ég fæ verri umfjöllun en barnaníðingur eða morðingi þrátt fyrir að hafa ekki gert annað en að vinna í þágu góðgerðarstofnana undanfarin 20 ár,” sagði Mills McCartney.

• 1 blogg um fréttina

Bloggað um fréttina

• Gísli Foster Hjartarson: Hún hefði getað .....