Kossaflens á Paul McCartney

Bítillinn Paul McCartney var gripinn glóðvolgur um síðustu helgi er mynd var tekin af honum og Nancy Shevell, stjórnarmanni í almenningssamgangnakerfi New York ríkis, kyssast. Birtist myndin í breska slúðurblaðinu The Sun.

Samkvæmt The Sun sást til þeirra á sushi stað í Amagansett á Long Island og á útikaffihúsi. Á myndinni sem The Sun birti sjást þau kyssast í framsæti bifreiðar.

Samkvæmt AP fréttastofunni svaraði talsmaður McCartney's ekki símtölum frá fréttastofunni og símanúmer Shevell á Long Island var ótengt.

Shevell, sem útskrifaðist frá ríkisháskólanum í Arizona, er varaforstjóri fjölskyldufyrirtækisins New England Motor Freight.

Shevell, sem var áður gift þekktum lögmanni, Bruce A. Blakeman, á hús á Long Island líkt og Bítillinn fyrrverandi.

• 2 blogg um fréttina

Bloggað um fréttina

• Jenný Anna Baldursdóttir: Dóttir mín hittir Simon Cowell
• Bjartmar Egill Harðarson: Grái fiðringurinn