Jennifer Lopez staðfesti að hún væri ólétt

Söngkonan Jennifer Lopez hefur loks greint opinberlega frá því að hún og eiginmaður hennar, Marc Anthony, eigi von á barni. Þar með hefur Lopez bundið enda á vangaveltur sem staðið hafa yfir undanfarna mánuði.

Lopez, sem er 39 ára gömul, tilkynnti þetta á tónleikum í Flórída. Hún greindi hinsvegar ekki frá því hvenær hún eigi von á barninu. Í kjölfarið smellti Anthony kossi á maga eiginkonu sinnar og sagði svo: „Ég vissi ekki að hún ætlaði að segja frá þessu.“

Lopez og Anthony, sem hafa verið á hljómleikaferðalagi saman, gengu í það heilaga árið 2004.

Í október missti hönnuðurinn Roberto Cavalli óvart út úr sér samtali við fjölmiðla að Lopez væri ólétt.

• 1 blogg um fréttina

Bloggað um fréttina

• Jakob Falur Kristinsson: Jenniger Lopez