Guðni, Davíð og Baugur

Í ævisögu Guðna Ágústssonar sem kemur út eftir nokkra daga rekur formaður Framsóknarflokksins upphaf fjölmiðladeilunnar frægu eins og hún kemur honum fyrir sjónir. Þegar Davíð Oddsson lagði óvænt fram fjölmiðlafrumvarp í ríkisstjórn hnykkti framsóknarmönnum nokkuð við. Guðni Ágústsson lýsir samskiptum sínum og Davíðs Oddssonar forsætisráðherra á ríkisstjórnarfundinum í apríl á þá leið að sjálfur hafi hann spurt: „Greini ég það rétt að Sjálfstæðisflokkurinn sé að rísa gegn skapara sínum - sjálfu frelsinu - og er það jafnframt réttmæt ályktun mín að verði frumvarp þetta að lögum, þá verði bæði Kári Stefánsson og Baugur að fara út úr Stöð tvö?"

Davíð kvað það rétt ályktað segir í ævisögu Guðna og jafnframt er því bætt við að vel hafi legið á forsætisráðherranum þegar hann upplýsti þetta og ekki hafi verið annað á Davíð að heyra en að honum fyndist þetta sjálfsagt og eðlilegt. Guðni fer ýtarlega yfir fjölmiðlamálið í ævisögu sinni eins og það kom landbúnaðarráðherra Framsóknarflokksins fyrir sjónir að tjaldabaki.

• 3 blogg um fréttina

Bloggað um fréttina

• Snorri Bergz: Verður ævisaga Guðna spennandi?
• Jakob Falur Kristinsson: Ævisaga
• Guðrún Emilía Guðnadóttir: Guðni, Davíð og Baugur.