Heldur uppi stuði á NBA-leikjum
Eftir Trausta Salvar Kristjánsson -
Setja bókamerki
Illugi Magnússon ólst upp í Bandaríkjunum og er nú einn vinsælasti plötusnúðurinn þar vestra en hann gengur jafnan undir nafninu DJ PLATURN. Hann mun koma fram á klúbbnum The Beatles Revolution á hinu fornfræga Mirage-hóteli í Las Vegas, en klúbburinn er rekinn af sjálfum Sólarsirkusnum, Cirque du Soleil.
„Það er mikill heiður að fá að koma þarna fram því þessi klúbbur þykir með þeim fínni í bransanum. Þema hans eru Bítlarnir og þarna byrjaði Love-sýningin sem unnin var með George Harrison. Við í Oakland Faders fáum samt að gera okkar hluti, sem er svolítið annað en þekkist í Vegas, því skemmtanalífið þar er í raun bara iðnaður, svolítið þvingaður og sálarlaus. Við gerum hins vegar nokk meira en að skipta bara um plötur og ýta á „play", við látum öllum illum látum og fáum fólk alltaf til að dansa," segir Illugi.
Oakland Faders munu koma fram mánaðarlega á klúbbnum frá og með nýárshelginni. En Illugi spilar einnig reglulega í NBA-deildinni, þó ekki körfubolta.
„Ég hef verið að halda uppi stuðinu á NBA-leikjum á mínum heimaslóðum í Oakland þar sem mínir menn í Golden State Warriors keppa. Ég er mikill körfuboltaaðdáandi og spilaði mikið sjálfur, sérstaklega þegar ég var yngri."
„Er fyrir neðan allar hellur“
Ekkert bendir til þess að atburðarásinni sé lokið
„Síðasta orðið hefur ekki verið sagt“
131 milljón frá erlendum manni: Gjöf eða lán?
„Má segja að nýr armur sé að myndast í flokknum“
Landsréttur sýknar SKE af kröfu Samskipa
Hefja formlegt söluferli á Olíudreifingu