Dennis Quaid og frú eignuðust tvíbura sem önnur kona gekk með

Dennis Quaid og eiginkona hans Kimberley tóku á móti nýfæddum tvíburunum Thomas Boone Quaid og Zoe Grace Quaide síðast liðinn fimmtudag á heimili sínu í Santa Monica í Kaliforníu. Dennis og Kimberley eru blóðforeldrar tvíburanna sem önnur kona gekk með fyrir þau.

Thomas vó um 3 kíló og systir hans var 2,5 kíló.

„Guð hefur blessað okkur,” sögðu hinir nýbökuðu foreldrar í tilkynningu til fjölmiðla.

Quaid sem er 53 ára á fyrir soninn Jack Henry Quaid frá fyrra hjónabandi sínu með Meg Ryan. Quaid og Kimberley Buffington voru gefin saman 2004.

• 1 blogg um fréttina

Bloggað um fréttina

• Haukur Nikulásson: Gátu keypt frá sér óléttuleiðindin!