Kylie Minogue óttast að veikjast á ný

Ástralska söngkonan Kylie Minogue óttast að brjóstakrabbameinið taki sig upp aftur en hún greindist með krabbamein í maí 2005. Hún hóf að koma fram opinberlega á tónleikum í lok síðasta árs en nýverið hætti hún við áform sín um að fara í hljómleikaferð um heiminn á næsta ári. Læknar vöruðu söngkonuna við því að slíkt ferðalag gæti haft alvarleg áhrif á heilsu hennar.

Í viðtali við breska tímaritið Style segist hún vera að endurskoða líf sitt þessa dagana og leiti út fyrir stórborgina Lundúnir í þeim tilgangi.

Minogue vísar á bug orðrómi um að hún og Olivier Martinez hafi tekið upp ástarsamband á ný en tekur fram að hann hafi reynst henni mjög vel í veikindunum. Hins vegar sé sambandi þeirra lokið.

• 1 blogg um fréttina

Bloggað um fréttina

• Gísli Foster Hjartarson: Leitað í kyrrðina!