Bikíníklædd Beyonce veldur uppnámi í Las Vegas

Þótt Las Vegas sé síst þekkt fyrir siðsemi eða íhaldssemi borgarbúa eða gesta þá láta íbúar þar í borg ekki bjóða sér hvað sem er. Íbúar í hverfi einu hafa hafið undirskriftasöfnun þar sem þess er krafist að auglýsingaskilti, sem sýnir söngkonuna Beyonce á bikíní-sundfötum einum klæða, verði fjarlægt hið fyrsta.

Um hundrað íbúar hafa skrifað undir áskorun þar sem þess er krafist að skiltið verði fjarlægt, og hefur fréttavefur tónlistartímaritsins NME eftir einni ömmunni að skiltið sé ósiðlegt og að barnabörn hennar eigi ekki að þurfa að horfa upp á slíkar myndir, hægt sé að slökkva á sjónvarpinu, en ekki auglýsingaskiltum.

Scott Seidenstricker, framkvæmdastjóri útvarpsstöðvarinnar KWNZ, sem ber ábyrgð á auglýsingunni, segir að listamaðurinn komi einfaldlega fram svona og að myndin sé hluti af kynningarherferð söngkonunnar. „Það væri því varla rétt að sýna hana í jogginggalla".

• 4 blogg um fréttina

Bloggað um fréttina

• Þorsteinn Gunnarsson: Magt skrítið í ameríska kýrhausnum.. og reyndar víðar
• Púkinn: Ósiðleg Beyonce?
• Sæþór Helgi Jensson: bara sölutrix
• Hvíti Riddarinn: Þetta skil ég ekki.