Foreldrar snúa aftur í kvikmyndahúsin

Kvikmyndahús SAM-bíóa hafa tilkynnt að vegna fjölda áskorana verði kvikmyndin Foreldrar eftir Ragnar Bragason tekin aftur til sýningar þar sem hún hlaut svo góðar viðtökur og mörg verðlaun á Eddunni, verðlaunahátíð Íslensku kvikmynda- og sjónvarpsakademíunnar eða sex talsins.

Myndin var valin kvikmynd ársins, Ragnar Bragason leikstjóri ársins, Nanna Kristín Magnúsdóttir leikkona ársins og Ingvar E. Sigurðsson leikari ársins. Handrit myndarinnar Foreldrar var valið handrit ársins og Bergsteinn Björgúlfsson hlaut Edduna fyrir kvikmyndun á Foreldrum.

Foreldrar er sýnd í SAM-bíóunum í Reykjavík og Akureyri, en sýningafjöldi er takmarkaður.

• 3 blogg um fréttina

Bloggað um fréttina

• Sæþór Helgi Jensson: ja ég farinn í bíó um helgina á foreldrar.
• Ingigerður Friðgeirsdóttir: Foreldrar!!!
• Ómar Ingi: Skora á alla sem eiga