Leica fyrir 30,6 milljónir

Myndavél af gerðinni Leica seldist á uppboði í Vínarborg fyrir 30,6 milljónir íslenskra króna nýlega. Það mun vera næsthæsta söluverð sem fengist hefur fyrir myndavél. Leican var gerð í Þýskalandi 1923 og er ein af sjö vélum sem voru sérsmíðaðar með Bandaríkjamarkað í huga.

Vélin er með númerið 107 og var serían smíðuð til að athuga hvort það væri markaður fyrir slíkum smámyndavélum hið vestra.

Samkvæmt International Herald Tribune var það safnari sem keypti vélina í einkasafnið sitt.

Dýrasta myndavél sem selst hefur var seld á uppboði hjá sama uppboðshúsi, WestLicht í Vínarborg í maí síðast liðinn.

Það var Daguerrotype vél sem smíðuð var af Susse Fréres í Frakklandi 1839 og seldist hún á 53,6 milljónir króna og telst vera dýrasta myndavél í heimi.

• 2 blogg um fréttina

Bloggað um fréttina

• Korinna Bauer: hluti sem maður vantar sig við að gera, þeir eru …
• Amason: Hvað er hún í megapixlum?