Aðdáendur U2 varaðir við því að kaupa tónleikamiða á netinu

Hljómsveitin U2 hefur sent frá sér tilkynningu þar sem aðdáendur sveitarinnar eru varaðir við því að kaupa miða á tónleika sveitarinnar á netinu. Í það minnst ein vefsíða selur nú miða á fjórtán tónleika sveitarinnar á O2 leikvanginum í Lundúnum, sem sveitin kannast ekki við að hafa bókað.

Slíkt svindl hefur aukist mikið að undanförnu, þar sem óprúttnir setja upp vefsíður og selja miða á tónleika, sem ekki stendur til að halda.

Talsmenn U2 vara reyndar aðdáendur við því að kaupa nokkra miða á tónleika sveitarinnar á netinu yfirleitt. Enn sem komið er stendur nefnilega ekki til að halda eina einustu tónleika á næsta ári.

• 2 blogg um fréttina

Bloggað um fréttina

• Níels A. Ársælsson.: U2
• Gísli Foster Hjartarson: Hmmm Sérstakt