Take That í eiturlyfjum

How­ard Don­ald, einn meðlima bresku hljóm­sveit­ar­inn­ar Take That, vill að kanna­bis­efni verði lög­leidd í Bretlandi. Don­ald, sem er 39 ára gam­all, hef­ur valdið mikl­um deil­um með því að segja að kanna­bis­efni séu ekki eins skaðleg og áfengi og að heim­ur­inn væri betri ef all­ir væru í vímu. „Ef fleiri reyktu kanna­bis­efni, frek­ar en að drekka áfengi, held ég að það væri minna um slags­mál, minna of­beldi og færri vanda­mál,“ sagði Don­ald.

Þetta er ekki í fyrsta skipti sem Don­ald tal­ar op­in­skátt um eit­ur­lyf. „Þegar við vor­um í hljóm­sveit­inni á sín­um tíma notuðum við al­sælu og okk­ur fannst það gam­an,“ sagði hann í viðtali fyr­ir skömmu.

Gary Bar­low, forsprakki Take That, hef­ur einnig viður­kennt að hafa notað fíkni­efni í mikl­um mæli. „Árið 2000 reykti ég svona 15 jón­ur á dag,“ sagði hann í viðtali í fyrra.

Take That var ein vin­sæl­asta hljóm­sveit heims á fyrri hluta tí­unda ára­tug­ar síðustu ald­ar en hætti störf­um árið 1996. Hún kom aft­ur sam­an í fyrra og hef­ur notið mik­ill­ar vel­gengni í kjöl­far sinn­ar nýj­ustu plötu, Beautif­ul World.