Amy Winehouse aflýsir öllum tónleikum
Setja bókamerki
Söngkonan Amy Winehouse hefur aflýst öllum tónleikum sem bókaðir hafa verið út árið 2008. Winehouse hefur gefið frá sér yfirlýsingu þar sem segir að hún einfaldlega treysti sér ekki til að koma fram meðan eiginmaður hennar, Blake Fielder-Civil, er í fangelsi.
Winehouse hefur verið harðlega gagnrýnd fyrir lélega frammistöðu á tónleikum undanfarið, þar sem hún hefur oftar en ekki virst undir miklum áhrifum. Síðast bárust fregnir af því á laugardaginn um liðna helgi að áhorfendur hefðu baulað á söngkonuna og krafist endurgreiðslu, en hún er sögð hafa virst í mikilli vímu alla tónleikana.
Í yfirlýsingunni segir Winehosue: „Ég get ekki gefið mig alla án Blake. Mér þykir þetta afar leitt, en ég vil ekki koma fram á tónleikum af hálfum huga, ég elska að syngja. Eiginmaður minn er mér mikils virði, og án hans er þetta ekki það sama."
Fielder-Civil er í fangelsi grunaður um að reyna að hindra framgang réttvísinnar. Nýlega var honum meinað um lausn gegn tryggingu og verður hann því í fangelsi í það minnsta þar til um miðjan janúar á næsta ári.
Barn lést í árásinni
Forstjóri bendir á ábyrgð birgja vegna verðhækkana
Skattamál verði líklega „þeirra mesta klemma“
Víkingar komnir yfir 800 milljónir í greiðslur
„Tímabil aukinnar eldvirkni“
Var engin kristnitaka árið 1000?
Ný ríkisstjórn kynnt á morgun
Bjarni: „Útilokað að þetta geti gengið upp“
