Bó plataði Loga í beinni

„Það var nú bara grín, ertu eitthvað verri?" spyr Björgvin Halldórsson, inntur eftir staðfestingu á því að hann fylgist með bandaríska dansþættinum Dancing with the Stars.

 Björgvin var gestur Loga Bergmanns í spjallþættinum Logi í beinni á föstudagskvöld og kom á óvart þegar hann sagðist fylgjast með þættinum og þá sérstaklega stórkostlegum árangri kryddstúlkunnar Mel B.

Dancing with the Stars er raunveruleikaþáttur þar sem leikarar, tónlistarmenn og aðra stjörnur stíga villtan dans undir leiðsögn fagmanna, en eitt danspar dettur úr leik í hverri viku.

„Ég var nú bara að tékka á Loga, því hann virtist ekki vera með á nótunum," segir Björgvin í laufléttum dúr, en Logi veitti áhuga Björgvins á danshæfileikum erlendra stórstjarna litla athygli.

• 3 blogg um fréttina

Bloggað um fréttina

• Jenný Anna Baldursdóttir: Bróðir minn í þjáningunni
• Stefán Friðrik Stefánsson: Vinsældir eilífðartöffarans Bó Hall
• Snorri Bergz: Dansað við stjörnurnar