Lohan og Ledger saman

Lindsay Lohan er nú komin á fast með ástralska leikaranum Heath Ledger, að því er fregnir herma. Í síðustu viku hætti hún með snjóbrettakappanum Riley Giles, en Ledger hitti hún um þarsíðustu helgi.

Lohan og Ledger hittust á næturklúbbi á Beatrice-hótelinu í New York og samkvæmt heimildamanni fór strax vel á með þeim. Þegar hún yfirgaf klúbbinn fór hún strax að senda honum sms, og þau hittust nokkrum sinnum á meðan hún var í New York.

„Þau hittust seint á kvöldin til að sofa saman. Þetta var eingöngu líkamlegt,“ sagði heimildamaðurinn.

Lohan mun hafa verið orðin þreytt á afbrýðisemi Rileys og lét hann róa fljótlega eftir að þau komu til Los Angeles frá New York.

Ledger er 28 ára. Hann sleit sambandinu við unnustu sína, Michelle Williams, í september. Þau eiga saman tveggja ára dóttur. Siðan hann hætti með Williams hefur sést til hans með ofurmódelinu Helenu Christiansen og ýmsum öðrum konum í samkvæmislífinu í New York.

• 2 blogg um fréttina

Bloggað um fréttina

• Snorri Bergz: Who cares?
• Guðni Már Henningsson: Loksins....