Gillzenegger tók bloggfærslu út fyrir mömmu
Eftir Auði Alfífu Ketilsdóttur -
Setja bókamerki
Egill Einarsson eða Gillzenegger hefur fjarlægt umdeilda færslu af heimasíðu sinni Gillz.is en í seinni fréttum Sjónvarps á mánudag var sagt frá því að lögreglu hefði verið send hún til rannsóknar.
Færslan sem um ræðir var undir lið sem kallast Fréttastofa Gillz en þar nafngreinir hann fjórar konur, femínista, sem hann segir að hafi verið of áberandi í fjölmiðlum undanfarið og ýjar að því að þeim væri best að verða fyrir kynferðislegu ofbeldi.
Strax eftir fréttatímann var fréttin horfin en Egill gerir ekki mikið úr þeirri ákvörðun. „Ég tók hana ekkert út, ég bara faldi hana í bili," segir hann, en hann hefur ekki tekið endanlega ákvörðun um hvort hann setur hana inn aftur og segir að ekki hafi verið haft samband við sig út af málinu.
Ástæðuna fyrir því að hann fjarlægði færsluna segir hann fyrst og fremst fjölskylduna. „Mamma horfir væntanlega á tíufréttir og svona, þannig að ég tók fréttina út út af henni."
Greiðslur virka nú eðlilega
Óvenjuleg virkni sem getur leitt til eldgoss
Íbúð í Grafarvogi illa farinn eftir eldsvoða
Rífur upp alls konar minningar
Boðar frumvörp um virkjanir
Vildu ekki viðurkenna að þarna væri snjóflóðahætta
Trump tekinn við sem forseti Bandaríkjanna
Fella ákvörðunina ekki úr gildi